Elena Rybakınanyń London týrnırindegi qarsylasy anyqtaldy

ASTANA. KAZINFORM — Qazaqstannyń ekinshi, álemniń 27-raketkasy ıÝlııa Pýtıntseva London (Ulybrıtanııa) WTA 500 týrnıriniń ekinshi aınalymyna shyǵa almady. 

Qazaqstandyq tennısshi koroldik jarystyń alǵashqy aınalymynda qarsylasyn utqan jaǵdaıda otandasy, álemniń 11-raketkasy Elena Rybakınamen kezdesetin edi.

Alaıda ıÝlııa Pýtıntseva dúnıejúzilik reıtıngide 164-orynda turǵan ulybrıtanııalyq Hıter Ýotsonnan aılasyn asyra almady.

Birinshi partııada esep 3:2 bolǵan mezette jergilikti sportshy breık jasaı aldy – 4:2. Ol setke dop bergende, Pýtıntseva breıkke qol jetkizgenimen, ile-shala óz múmkindigin múlt jiberdi – 4:6.

Hıter Ýotson ekinshi sette 2:0 esebimen alǵa ketti. Aqyry matchty jeńispen túıindedi – 6:3.

Bir saǵat 22 mınýtqa sozylǵan básekede Pýtıntseva 3 eıspen birge 6 breık-poınttyń ekeýin paıdalandy. Ýotson 3 eıs jasap, 4 breık-poınttan shashaý shyǵarǵan joq.

Osylaısha, Elena Rybakına kógal tósenishinde ótip jatqan London dodasynyń ekinshi aınalymynda H.Ýotsonmen sheberlik baıqasatyn boldy.

Bul týrnır, bir jaǵynan, 30 maýsym – 13 shilde aralyǵynda ótetin Ýımbldon jarysy qarsańynda daıyndyq esebinde bolmaq.

Elena Rybakına Ýımbldonda 2022 jyly úzdik shyqqan edi.

Eske sala keteıik, budan buryn Aleksandr Býblıktiń dúnıejúzilik reıtıngide TOP-40-qa jaqyndaǵanyn jazǵan bolatynbyz.

Sondaı-aq Rafael Nadaldy raketkasy rekordtyq somaǵa satyldy.