Elena Rybakınanyń Berlın týrnırindegi qarsylasy anyqtaldy
ASTANA. KAZINFORM — Qazaqstannyń birinshi, álemniń 2-raketkasy Elena Rybakınanyń Berlın (Germanııa) WTA 500 týrnırinde kimmen kezdesetini belgili boldy.
Jarysty ekinshi aınalymnan bastaıtyn qazaqstandyq tennısshi reıtıngide 35-oryndaǵy fılıppındik Aleksandra Ealamen sheberlik baıqasady.
A.Eala alǵashqy aınalymda álemniń 33-raketkasy, munyń aldynda Londondaǵy osyndaı dodada jeńimpaz atanǵan horvatııalyq Donna Vekıchtiń meselin qaıyrdy – 7:5, 6:4.
E.Rybakına men A.Ealanyń matchy 18 maýsymǵa belgilengen.
Qazaqstandyq tennısshi 10 mamyrda Rım (Italııa) WTA 1000 týrnırinde 21 jastaǵy fılıppındik sportshyny 6:4, 6:3 esebimen jeńgen bolatyn.
Ótken jyly Berlınde álemniń 49-raketkasy, chehııalyq Marketa Vondroýshova úzdik shyqqan edi. Alaıda bıyl ol jaraqatyna baılanysty qatysa almady.
Eske sala keteıik, budan buryn Sonıa Jıenbaevanyń juptyq synda Qytaıdaǵy týrnırdiń shırek fınalyna shyqqanyn jazǵan edik.
