Elena Rybakınaǵa MMA stılindegi chempıondyq belbeý tabystaldy
ASTANA. KAZINFORM — Qazaqstandyq tennısshi Elena Rybakına US Open-2026 týrnırindegi jeńisinen keıin erekshe estelik syılyqqa ıe boldy, dep habarlaıdy Sports.kz.
Oǵan MMA jáne restlıng jarystarynyń jeńimpazdaryna tabystalatyn júldeler stılinde jasalǵan chempıondyq belbeý berildi.
Marapattaý rásiminiń kadrlaryn sheteldik portaldyń Instagram paraqshasynda jarııalady.
Altyn tústi belbeýge Rybakınanyń esimi men US Open týrnıriniń emblemalary beınelengen.
Mundaı belbeýler amerıkalyq «Úlken dýlyǵa» týrnıriniń dástúrleriniń birine aınalǵan. Uıymdastyrýshylar Nıý-Iorktegi jarystyń jeńimpazdaryna jyl saıyn jekpe-jek sportyndaǵy chempıondyq júldelerge uqsatyp jasalǵan estelik belbeý tabystaıdy.
Buǵan deıin mundaı júldege Arına Sobolenko, Koko Gaýff jáne US Open týrnıriniń basqa da jeńimpazdary ıe bolǵan.
Nıý-Iorktegi jeńis Rybakınaǵa «Úlken dýlyǵa» týrnırlerindegi úshinshi chempıondyq ataǵyn ákeldi. Qazaqstandyq tennısshi buǵan qosa 5,5 mln dollar kóleminde júlde qorynyń ıegeri atanyp, mansabynda alǵash ret WTA reıtınginde álemniń birinshi raketkasy atandy.
Aıta keteıik, Elena Rybakına óziniń kásibı sportshy retinde qalyptasýynda Qazaqstannyń róli týraly aıtty.
