Elena Rybakına jyldyń alǵashqy týrnıriniń shırek fınalyna shyqty

ASTANA. KAZINFORM — Qazaqstannyń birinshi, álemniń 5-raketkasy Elena Rybakına Brısben (Aýstralııa) WTA 500 týrnıriniń shırek fınalyna ótti.

Jarystyń 3-raketkasy bolyp tirkelgen qazaqstandyq tennısshi úshinshi aınalymda reıtıngide 25-orynda turǵan ıspanııalyq Paýla Badosamen betpe-bet keldi. Qarsylastar osyǵan deıin ózara segiz ret kezdesip, tórt-tórtten jeńiske jetken edi. Sońǵy úsh oıynda Rybakına utqan bolatyn.

Bul joly birinshi partııada 2:0 esebimen Badosa alǵa shyqqanymen, Rybakına tarazy basyn teńestirip qana qoımaı, breıkpen támamdaı aldy – 6:3.
Ekinshi setti qazaqstandyq tennısshi qarqyndy bastady – 3:0. Badosanyń qateligin múlt jibermegen Elena matchty taǵy bir breıkpen túıindedi – 6:2.

Bir saǵat 23 mınýtqa sozylǵan básekede Rybakına 3 eıspen birge 8 breık-poınttyń beseýin paıdalandy. Badosa 6 eıs, 1 breıkpen (4 breık-poınt) kózge tústi.

Elena Rybakına jartylaı fınalǵa shyǵý úshin álemniń 10-raketkasy, reseılik Ekaterına Aleksandrova nemese reıtıngide 20-satydaǵy chehııalyq Karolına Mýhovanyń qaı jeńgenimen talasady. 

Budan eki jyl buryn E.Rybakınanyń osy dodada chempıon atanǵany belgili. 

Eske sala keteıik, budan buryn Anna Danılınanyń Brısben týrnıriniń jartylaı fınalyna joldama alǵanyn jazǵan edik.  Sondaı-aq Elena Rybakına Brısben týrnıriniń úshinshi aınalymyna ótti.

Tımofeı Skatov Úndistandaǵy jarystyń shırek fınalyna shyqty.