Elena Rybakına jeńisti jolyn Madrıdte jalǵastyra ala ma

ASTANA. KAZINFORM — 21 sáýir — 2 mamyr aralyǵynda ótetin Madrıd (Ispanııa) WTA 1000 týrnıriniń jerebesi tartyldy.

Atalmysh jarysta Elena Rybakına ekinshi raketka bolyp tirkelgen.

Qazaqstandyq tennısshi ekinshi aınalymnan bastap, álemniń 58-raketkasy, horvatııalyq Antonııa Rýjıch nemese reıtıngide 61-satydaǵy rýmynııalyq Elena-Gabrıela Rýseniń qaı jeńgenimen kezdesedi.

Taǵy bir qazaqstandyq, reıtıngide 77-oryndaǵy ıÝlııa Pýtıntseva alǵashqy aınalymda álemniń 50-raketkasy, chehııalyq Tereza Valentovadan ótýge tyrysady.

Ótken jyly Madrıdte álemniń 1-raketkasy, Belarýs ókili Arına Sobolenko úzdik shyqqan edi. Ol fınalda amerıkalyq Korı Gaýftan aılasyn asyrǵan bolatyn — 6:3, 7:6 (7:3). Al E.Rybakına úshinshi, ıÝ.Pýtıntseva ekinshi aınalymda súringen.

Bıyl A.Sobolenkoǵa byltyrǵy reıtıngilik upaıyn qorǵaýǵa týra keledi. E.Rybakına sátti óner kórsetse, upaı qoryn molaıta alady.

Shtýtgart WTA 500 týrnırinde chempıon atanǵan qazaqstandyq tennısshi upaı sanyn 8 500-ge jetkizip, A.Sobolenkoǵa (10 895 upaı) bir taban jaqyndaı tústi. 

Al WTA chempıondyq kestesinde 3 993 upaı jınaǵan E.Rybakına qaıtadan kósh basyna kóterildi. A.Sobolenkonyń enshisinde 3 810 upaı bar.

Eske sala keteıik, budan buryn Elena Rybakınanyń Shtýtgart týrnıriniń eki dúrkin chempıony atanǵanyn jazǵan bolatynbyz. 

Sondaı-aq 15 jastaǵy qazaqstandyq tennısshi Qytaıdaǵy týrnırde top jardy.