Elena Rybakına jeńis sany jóninen álemde úzdik úshtikte keledi

ASTANA. KAZINFORM — Qazaqstannyń birinshi, álemniń 7-raketkasy Elena Rybakına 2020 jyldyń basynan beri WTA matchtarynda 207 jeńiske qol jetkizdi.

Jeńis sany jóninen qazaqstandyq tennısshi álemde úzdik úshtikti túıindep tur.

E.Rybakınanyń aldyna tek Polsha ókili Iga Shventek (267 jeńis) pen belorýssııalyq, álemniń 1-raketkasy Arına Sobolenko (231) ǵana túsken. 

Elena Rybakına Indıan-Ýells WTA 1000 týrnıriniń tórtinshi aınalymynda álemniń 11-raketkasy, reseılik Mırra Andreevamen oınaıdy.

Bir qyzyǵy, 21 aqpan kúni Dýbaıdaǵy dál osyndaı jarystyń jartylaı fınalynda E.Rybakınanyń jolyn M.Andreeva kesken edi. Keıin ol sporttyq jolynda alǵash ret WTA 1000 týrnırinde chempıon atandy.

Qazaqstandyq sportshy Dýbaıda ketken eseni qaıtara ala ma, ony 12 naýryz kúni túnde ótetin báseke kórsetedi. 

Eske sala keteıik, budan buryn Elena Rybakınanyń Indıan-Ýells týrnıriniń tórtinshi aınalymyna shyqqanyn jazǵan bolatynbyz.