Elena Rybakına jańa jyldaǵy alǵashqy matchyn ótkizedi

Qazaqstannyń birinshi, álemniń 4-raketkasy Elena Rybakına Brısben (Aýstralııa) WTA 500 týrnırinde jańa jyldaǵy betashar matchyn ótkizedi, dep habarlaıdy Kazinform.

Jarysty ekinshi aınalymnan bastaıtyn qazaqstandyq tennısshi dúnıejúzilik reıtıngte 124-orynda turǵan aýstralııalyq Olıvııa Gadekımen synǵa túsedi.

Báseke Astana ýaqytymen saǵat 14.30-da bastalady.

Júlde qory 1,7 mln dollardan asatyn atalmysh dodada E.Rybakına ekinshi raketka bolyp tirkelgen. Týrnır jeńimpazy 220 myń dollar tabys taýyp, 500 reıtıngilik upaıǵa ıe bolady.
Taǵy bir qazaqstandyq, álemniń 190-raketkasy Denıs Evseev Kanberra (Aýstralııa) chellendjer týrnıriniń ekinshi aınalymynda reıtıngte 167-oryndaǵy chehııalyq ıAkýb Menshıkke jol berdi – 4:6, 4:6. Sóıtip, shırek fınalǵa shyǵa almady.

Eske sala keteıik, budan buryn Jibek Qulambaevanyń Taılandtaǵy jarystyń shırek fınalyna shyqqanyn jazǵan bolatynbyz.