Elena Rybakına jańa jylda qatysatyn alǵashqy týrnır anyqtaldy

ASTANA. KAZINFORM – Aýstralııada 4-11 qańtarda áıelder arasynda Brısben WTA 500 týrnıri ótedi.

Jyldyń alǵashqy jarysyna qatysýshylar tizimine Qazaqstannyń birinshi, álemniń 5-raketkasy Elena Rybakına engizilgen.

Sondaı-aq atalmysh dodada álemniń 1-raketkasy, «Úlken dýlyǵa» týrnıriniń tórt dúrkin chempıony, Belarýs ókili Arına Sobolenko bastaǵan basqa da tanymal tennısshiler baq synaıdy. 

Ótken jyly osy týrnırde E.Rybakına fınalda A.Sobolenkony 6:0, 6:3 esebimen oısyrata utyp, jeńimpaz atanǵan bolatyn. Al bıyl qazaqstandyq tennısshi qatyspaǵan edi. Sondyqtan aldaǵy jarysta sátti óner kórsetse, reıtıngilik upaı qoryn tolyqtyra alady. 

Sonymen qatar Brısben týrnıri Aýstralııa ashyq chempıonaty qarsańynda daıyndyq esebinde bolmaq.

Eske sala keteıik, budan buryn Aýstralııa ashyq chempıonatyna qatysatyn qazaqstandyq tennısshiler belgili bolǵanyn jazǵan edik.