Elena Rybakına WTA Live reıtınginde kósh bastady
ASTANA. KAZINFORM — Qazaqstandyq tennısshi Elena Rybakına AQSh ashyq chempıonaty bastalǵannan keıin Áıelder tennısi qaýymdastyǵynyń (WTA) Live reıtınginde birinshi orynǵa kóterildi.
Qazirgi tańda E.Rybakınanyń enshisinde 7 911 upaı bar.
Belarýs ókili Arına Sobolenko 6 585 upaımen ekinshi satyǵa yǵysty.
Sondaı-aq amerıkalyqtar Djessıka Pegýla men Korı Gaýfta sáıkesinshe 6 555 jáne 6 484 upaıdan bar.
Tennısshilerdiń álemdik reıtıngidegi naqty oryndary olardyń AQSh ashyq chempıonatynda qalaı óner kórsetetinine baılanysty aıqyndalady. E.Rybakına jartylaı fınalǵa deıin jetse, basqa sportshylardyń nátıjesine qaramastan, reıtıngide kósh bastaıdy.
Atalmysh «Úlken dýlyǵa» týrnıri bastalǵanǵa deıin jarııalanǵan WTA-nyń resmı reıtıngisinde A.Sobolenko 8 575 upaımen burynǵysha kósh bastap tur. Al 8 141 upaı jınaǵan E.Rybakına ekinshi orynda.
Elena Rybakına WTA chempıondyq kestesinde 5 492 upaımen kóshbasshylyq ornyn saqtap qaldy. A.Sobolenko (5 185) ekinshi, reseılik Mırra Andreeva (5 184) úshinshi satyda tur. Sondaı-aq TOP-5-ke amerıkalyqtar D. Pegýla (5 045) men K.Gaýff (4 874 upaı) kirdi.
Eske sala keteıik, budan buryn AQSh ashyq chempıonatynda Aleksandr Shevchenkonyń bes settik matchta jeńilip qalǵanyn jazǵan edik.
AQSh ashyq chempıonatynda Aleksandr Býblık alǵashqy jeńisine qol jetkizdi.
«Úlken dýlyǵa» týrnırinde Novak Djokovıch sońǵy 20 jylda alǵash ret birinshi aınalymnan asa almady.
