Elena Rybakına WTA qorytyndy týrnırinde kimdermen oınaıtyny belgili boldy
ASTANA. KAZINFORM — Qazaqstandyq tennısshi Elena Rybakınanyń WTA qorytyndy týrnıriniń toptyq kezeńindegi qarsylastary belgili boldy. Jarys 8-15 qarasha aralyǵynda AQSh-tyń Indıan-Ýells qalasynda ótedi.Bul týraly UOK málim etti.
Jerebe qorytyndysy boıynsha, álemniń birinshi raketkasy birinshi topqa tústi. Onda ol amerıkalyq tennısshiler Korı Gaýff jáne Djessıka Pegýlamen, sondaı-aq chehııalyq Lında Noskovamen kezdesedi.
Al ekinshi topqa Belarýs ókili Arına Sobolenko, reseılik Mırra Andreeva, ýkraınalyq Elına Svıtolına jáne chehııalyq Karolına Mýhova endi.
Toptyq kezeńde ár tennısshi úsh match ótkizedi. Ár toptan úzdik nátıje kórsetken eki sportshy pleı-off kezeńine joldama alady.
Aıta keteıik, Elena Rybakına – WTA qorytyndy týrnıriniń qazirgi chempıony. Byltyr qazaqstandyq tennısshi fınalda Arına Sobolenkony jeńip, jarys jeńimpazy atanǵan bolatyn. Bıyl Rybakına chempıondyq ataǵyn qorǵaýǵa múmkindik alady.
