01:40, 25 Qazan 2025 | GMT +5
Elena Rybakına WTA fınaldyq týrnırine joldama alǵan soń, úndeý jasady
ASTANA. KAZINFORM – Álemniń jetinshi raketkasy, qazaqstandyq tennısshi Elena Rybakına 2025 jylǵy WTA fınaldyq týrnırine joldama alyp, jarys qarsańynda jankúıerlerine arnaǵan beıneúndeýin jarııalady.
– Barshańyzǵa sálem! Men jańa ǵana WTA fınaldyq týrnırine joldama aldym. Bizdi qoldaýǵa kelińizder. Bul jarysta óner kórsetý sátin asyǵa kútip júrmin, – dedi sportshy beınerolıkte.
Fınaldyq týrnır 1-8 qarasha aralyǵynda Saýd Arabııasynyń Er-Rııad qalasynda ótedi.
Qazaqstandyq tennısshi jarysqa qatysý quqyǵyn Tokıo qalasynda ótken WTA-500 týrnıriniń jartylaı fınalyna shyqqannan keıin ıelendi. Osy nátıjesiniń arqasynda Rybakına irikteý reıtınginde segizinshi oryn alyp, 18 jastaǵy reseılik Mırra Andreevany artta qaldyrdy.