Elena Rybakına WTA chempıondyq kestesinde kóshbasshylyq ornyn saqtap qaldy
ASTANA. KAZINFORM — Qazaqstannyń birinshi, álemniń 2-raketkasy Elena Rybakına jańartylǵan WTA chempıondyq kestesinde burynǵysha kósh basynda keledi.
Tsıntsınnatı (AQSh) WTA 1000 týrnıriniń shırek fınalynda jaraqattan keıin matchty jalǵastyra almaǵan qazaqstandyq tennısshiniń esebinde 5 492 upaı bar.
Belarýs ókili Arına Sobolenko (5 185 upaı) ekinshi, reseılik Mırra Andreeva (5 184 upaı) úshinshi orynda.
Amerıkalyq tennısshiler Djessıka Pegýla (5 045) ı Korı Gaýff (4 874) sáıkesinshe tórtinshi jáne besinshi satyda tur.
Bıylǵy maýsymnyń qorytyndysy boıynsha úzdik segizdikke engen tennısshiler WTA qorytyndy týrnırine joldama alady.
Al WTA jańartylǵan reıtıngisinde A.Sobolenko 8 575 upaımen kósh bastap keledi.
E.Rybakına 8 141 upaımen ekinshi orynda qalsa, D.Pegýla (7 265) úzdik úshtikte.
Tsıntsınnatı týrnıriniń fınalynda D.Pegýlany 6:2, 6:4 esebimen jeńgen K.Gaýff (6 704) tórtinshi satyda.
Taǵy bir qazaqstandyq ıÝlııa Pýtıntseva 81-den 80-ge aýysty.
Eske sala keteıik, budan buryn Elena Rybakınanyń AQSh ashyq chempıonatynda mıkste óner kórsetpeıtin bolǵanyn jazǵan edik.
Sondaı-aq Denıs Evseev Germanııadaǵy jarysta alǵashqy jeńisine qol jetkizdi.
