Elena Rybakına WTA chempıondyq kestesinde kósh bastap keledi
ASTANA. KAZINFORM — Áıelder tennısi qaýymdastyǵy (WTA) jekeleı synda chempıondyq kesteniń jańartylǵan nusqasyn jarııa etti.
Qazaqstandyq tennısshi Elena Rybakına 4 103 upaımen chempıondyq kestede burynǵysha kósh bastap keledi.
Belarýs ókili Arına Sobolenko 4 015 upaımen ekinshi orynda.
Amerıkalyq Djessıka Pegýla (2 970 upaı) úzdik úshtikti túıindep tur.
Madrıd (Ispanııa) WTA 1000 týrnırinen keıin jańartylǵan álemdik reıtıngide E.Rybakına kósh basyndaǵy A.Sobolenkoǵa bir taban jaqyndaı tústi. Qazirgi kezde Arınanyń enshisinde 10 110 upaı bolsa, E.Rybakına (8 555) ekinshi orynda nyq tur.
Polsha ókili Iga Shventek 6 948 upaımen amerıkalyq Korı Gaýfty (6 749) yǵystyryp, úshinshi orynǵa kóterildi.
Madrıd jarysynda jeńimpaz atanǵan ýkraınalyq Marta Kostıýk 23-ten 15-ke, fınalǵa deıin jetken reseılik Mırra Andreeva 8-den 7-ge joǵarylady.
Tórtinshi aınalymda E.Rybakınany qapy qaldyrǵan aýstrııalyq Anastasııa Potapova 56-dan 38-ge, M.Kostıýktan utylǵan taǵy bir qazaqstandyq ıÝlııa Pýtıntseva 80-nen 77-satyǵa shyqty.
Qazaqstannyń juptyq syndaǵy birinshi raketkasy Anna Danılına 7-den 8-ge tómendedi.
Álemdik reıtıngide, sondaı-aq chempıondyq kestede aldaǵy ózgerister tennısshilerdiń osy aptada bastalatyn Rım WTA 1000 dodasynda qalaı óner kórsetetinine baılanysty bolmaq.
Eske sala keteıik, budan buryn 14 jasar Ahmadı Maqanovtyń Qytaıdaǵy týrnırdiń jeńimpazy atanǵanyn jazǵan bolatynbyz.
Shymkenttegi chellendjer týrnıriniń jeńimpazy anyqtaldy.
