Elena Rybakına WTA chempıondyq kestesinde kósh bastap keledi

ASTANA. KAZINFORM — Áıelder tennısi qaýymdastyǵynyń (WTA) chempıondyq kestesinde qazaqstandyq tennısshi Elena Rybakınanyń orny ózgergen joq.

Bıyl Aýstralııa ashyq chempıonatynda úzdik shyqqan E.Rybakına 2 443 upaımen burynǵysha kósh bastap keledi. 

Amerıkalyq Djessıka Pegýla 1 975 upaımen ekinshi orynda bolsa, Belarýs ókili Arına Sobolenko (1800) úzdik úshtikti túıindep tur. 

Búgin jańartylǵan WTA jekeleı reıtıngisinde E.Rybakına 7 253 upaımen úshinshi orynda qaldy. Reıtıngide 10 675 upaımen A.Sobolenko alda kele jatsa, Polsha ókili Iga Shventek (7 588) ekinshi satyda. 

Qazirgi kezde irikteý saıysy ótip jatqan Indıan-Ýells (AQSh) masters týrnırinde E.Rybakına sátti óner kórsetse, I.Shventekti basyp ozýy yqtımal. 

Álemdik reıtıngide ıÝlııa Pýtıntseva 77-den 76-ǵa joǵarylady.

Juptyq synda Anna Danılına 6-dan 7-ge syrǵysa, Jibek Qulambaeva — 140, ıÝ.Pýtıntseva 156-orynda turaqtady.

Erler arasynda ATP reıtıngisinde Aleksandr Býblık 10-orynda qalsa, Aleksandr Shevchenko 92-den 88-ge, Tımofeı Skatov 192-den 191-ge kóterildi. 

Eske sala keteıik, budan buryn tennısten Dýbaı týrnırine kelgen 40-tan astam adamnyń qaıta almaı otyrǵanyn jazǵan edik.