18:56, 19 Aqpan 2025 | GMT +5
Elena Rybakına WTA 1000 týrnıriniń shırek fınalyna shyqty
ASTANA. KAZINFORM - Elena Rybakına (7 WTA) Dýbaıda ótip jatqan WTA 1000 týrnıriniń úshinshi aınalymynda Ispanııa ókili Paýla Badosadan (10 WTA) basym tústi.

25 jastaǵy qazaqstandyq sportshy 4:6, 7:6 (10:8), 7:6 (7:2) esebimen jeńiske jetti. Ekinshi settegi taı-breıkte Elena 3:6 esebimen jeńilip jatqan. Alaıda tórt match-bolda basym túsip, 10:8 esebimen jeńip ketti. Qarsylastardyń ózara kezdesýlerindegi esep 4:4 boldy.
Erteń Rybakına amerıkalyq Sofııa Kenınmen kúsh synasady. Ol osy týrnırdiń ótken jylǵy chempıony ıtalııalyq Jasmın Paolınıdi jeńgen edi.
Osyǵan deıin qazaqstandyq 14 jastaǵy tennısshi Barselonadaǵy týrnırde top jarǵanyn jazdyq.