Elena Rybakına úzilisten keıingi alǵashqy týrnırine daıyndyqty bastady
ASTANA. KAZINFORM — Qazaqstannyń birinshi raketkasy Elena Rybakına Kanadaǵa baryp, Torontoda ótetin WTA 1000 sanatyndaǵy týrnırge daıyndyqty bastady, dep habarlaıdy Sports.kz.
Tennısshi Instagram Stories paraqshasynda korttaǵy jattyǵý sátterinen foto jarııalap, oǵan «Sálem, Toronto!» degen jazba qaldyrǵan.
Kanadadaǵy jarys Rybakına úshin úzilisten keıingi alǵashqy resmı týrnır bolmaq. Matchtar 2–13 tamyz aralyǵynda ashyq hard korttarynda ótedi. Qazaqstandyq tennısshi týrnırge qatysýshylar tizimine resmı túrde engizilgen.
Týrnırdiń júlde qory — 7 433 076 dollar. Torontoda álemniń jetekshi tennısshileri bas qosady. Bul jarys olardyń US Open — 2026 týrnırine daıyndyǵyndaǵy mańyzdy kezeńderdiń biri sanalady.
Eske sala keteıik, Rybakına sońǵy resmı kezdesýin 2026 jylǵy 4 shildede Ýımbldon týrnırinde ótkizgen. Úshinshi aınalymda ol belgııalyq Elıze Mertens qarsylasyna 6:7 (4:7), 1:6 esebimen jol bergen.
Buǵan deıin Elena Rybakına qaı týrnırlerde baq synaıtyny belgili boldy.
