Elena Rybakına US Open-2026 fınalyna shyqty
ASTANA. KAZINFORM — Qazaqstannyń áıelder arasyndaǵy jekeleı syndaǵy birinshi raketkasy Elena Rybakına 2026 jylǵy AQSh ashyq chempıonatynyń jartylaı fınalynda jeńiske jetti, dep habarlaıdy QTF baspasóz qyzmeti.
Álemdik reıtıngte ekinshi orynda turǵan qazaqstandyq tennısshi US Open-2026 fınalyna shyǵý úshin álemniń tórtinshi raketkasy, amerıkalyq Koko Gaýffpen kezdesti.
Match úsh setke sozylyp, Elenanyń 3:6, 6:4, 6:4 esebimen jeńisimen aıaqtaldy.
Tennısshiler hard kortynda 2 saǵat 8 mınýt ótkizdi. Osy ýaqyt ishinde Elena bes eıs jasap, eki qos qatelikke jol berdi jáne bes breık-poınttyń úsheýin sátti paıdalandy.
Osylaısha, Elena «Úlken dýlyǵa» týrnıriniń fınalyna shyqty. Sheshýshi kezdesýde ol álemniń birinshi raketkasy, Belarýs ókili Arına Sobolenkoǵa qarsy oınaıdy.
Sonymen qatar, Rybakına álemdik reıtıngte birinshi orynǵa shyǵýdy qamtamasyz etti. Fınaldyq matchtyń nátıjesine qaramastan, qazaqstandyq tennısshi US Open aıaqtalǵannan keıin álemdik reıtıngtiń kóshin bastaıdy. WTA reıtınginiń jańartylǵan nusqasy dúısenbi, 14 qyrkúıekte jarııalanady.
Buǵan deıin Elena Rybakına álemniń birinshi raketkasy atanǵanyn jazǵanbyz.
Memleket basshysy tennısshi Elena Rybakınany «Álemniń birinshi raketkasy» ataǵyna ıe bolýymen quttyqtady.
Rybakına áıelder arasyndaǵy jekeleı synda álemniń birinshi raketkasy atanǵannan keıin málimdeme jasady.
