Elena Rybakına úshinshi «Úlken dýlyǵa» tıtýlynan keıingi maqsatyn aıtty
ASTANA. KAZINFORM — Qazaqstandyq tennısshi Elena Rybakına US Open-2026 týrnırinde jeńiske jetkennen keıin aldaǵy maqsaty týraly aıtty, dep habarlaıdy Sports.kz.
— Buǵan áli de sene alar emespin. Bul keremet jetistik. Munda kele jatqanda: «Bul joly jeńiske jetsem, keremet bolar edi» dep oıladym. Sonda meniń úsh «Úlken dýlyǵa» týrnırindegi tıtýlym bolady jáne olardyń árqaısysy ártúrli jerde jeńip alǵan júldem bolar edi. Endi tek alǵa jyljı berýim kerek. Barlyq maqsatyma jetetinimdi sezemin. Sol kezde shyn máninde qýanyshqa bólenemin. Qazir aldymda áli kóp jumys bar ekenin sezemin jáne budan da bıik maqsattarǵa umtylýym kerek, — dedi Elena Rybakına.
Tennısshi US Open-2026 týrnırindegi jeńisinen keıin rekordtyq kólemdegi júldege ıe boldy. Chempıondyq ataqpen qatar, Rybakınaǵa 5,5 mln dollar kólemindegi chek tabystaldy. Buǵan deıin tennıs tarıhynda birde-bir oıynshy týrnırdegi jeńisi úshin mundaı kólemde júlde almaǵan.
Osylaısha, Elena Rybakına bir týrnırdegi júlde kólemi boıynsha óziniń rekordyn jańartty. Ol ótken jyly WTA qorytyndy týrnırinde jeńiske jetkeni úshin 5,235 mln dollar alǵan bolatyn.
Tennısshi osy maýsymda qańtar aıynda Australian Open týrnırinde jeńiske jetip, sáýirde Shtýtgarttaǵy jarystyń chempıony atandy.
Aıta keteıik, Elena Rybakına búgin Sobolenkony jeńip, US Open chempıony atandy.
