Elena Rybakına US Open týrnırinen nege bas tartqanyn túsindirdi

ASTANA. KAZINFORM - Qazaqstannyń birinshi, álemniń 4-raketkasy Elena Rybakına AQSh ashyq chempıonatynyń ekinshi aınalymynda frantsııalyq Djessıka  Ponshemen matchqa qatysýdan bas tartty.

Dúnıejúzilik reıtıngide 143-orynda turǵan frantsııalyq tennısshi oınamastan úshinshi aınalymǵa joldama aldy. E.Rybakına jaraqatyna baılanysty bas tartqanyn aıtty.

«Bıylǵy sońǵy «Úlken dýlyǵa» týrnırin bulaı aıaqtaǵym kelmegen. Biraq óz denemniń syryn bilemin. Jyldyń qalǵan bóligin myqty bolyp ótkizemin dep úmittenemin. Meni qoldaǵan jáne qoldap kele jatqan jankúıerlerdiń bárine alǵysymdy aıtamyn. Qalǵan tennısshilerge tabys tileımin», - dedi Rybakına.

Osylaısha, bıyl E.Rybakına negizinen aýyryp qalýyna jáne jaraqatyna baılanysty segiz iri jarysqa qatysýdan bas tartty. Sonyń ishinde Dýbaı, Indıan-Ýells, Rım, Berlın, Istborn, Olımpıada, Toronto týrnırleri bar. Buǵan endi US Open qosyldy.

Osyndaı kúrdeli maýsymǵa qaramastan, qazaqstandyq tennısshi 2024 jyly WTA 1000 týrnırlerinde vınners sanyn 600-ge jetkizip, bul jóninen ekinshi tennısshi atandy.

AQSh ashyq chempıonatynda Qazaqstannan jekeleı synda ıÝlııa Pýtıntseva ǵana qaldy. Ol úshinshi aınalymda álemniń 5-raketkasy, ıtalııalyq ıAsmın Paolınımen sheberlik baıqasady.

ıÝ.Pýtıntseva juptyq synda kanadalyq Leıla Fernandespen birge alǵashqy aınalymda AQSh chempıonatynyń birinshi raketkalary, kanadalyq Gabrıela Dabrovskı - jańazelandııalyq Erın Rýtlıfke jol berdi -4:6, 2:6.

Eske sala keteıik, budan buryn ıÝlııa Pýtıntsevanyń qytaılyq qarsylasyn jeńip, úshinshi aınalymǵa shyqqanyn jazǵan bolatynbyz.