Elena Rybakına US Open týrnırine kıip shyǵatyn kıim úlgisin kórsetti
ASTANA. KAZINFORM – Qazaqstannyń birinshi, álemniń 4-raketkasy Elena Rybakına AQSh ashyq chempıonatyna oınaýǵa arnalǵan kıim úlgisin kópke jarııa etti.
Qazaqstandyq tennısshi osyǵan deıin Tsıntsınnatı (AQSh) WTA 1 000 týrnırinde óner kórsetip, úshinshi aınalymǵa shyǵa almaǵan edi.
Onda álemniń 27-raketkasy, kanadalyq Leıla Fernandeske jol bergen bolatyn – 6:3, 6:7 (3:7), 4:6.
Osy jeńiliske qaramastan, Rybakına bıyl WTA 1 000 jarystarynda vınners sanyn 600-den asyryp, ekinshi orynda keledi.
Aldaǵy AQSh chempıonaty 26 tamyz – 8 qyrkúıek aralyǵynda ótedi. Ótken jyly munda amerıkalyq Korı Gaýff úzdik shyqqan bolatyn.
US Open tennıs tarıhynda eń júlde qory kóp týrnır bolmaq. Oıynshylar 75 mln AQSh dollaryn tabady, bul ótken jylǵydan 15 paıyzǵa kóp.
Atalmysh «Úlken dýlyǵa» jarysyna Qazaqstannan áıelder arasynda jekeleı synda Rybakınamen birge ıÝlııa Pýtıntseva qatysady.
Zarına Dııas irikteý saıystarynda alǵashqy kezdesýinde qytaılyq Ma Esınnen jeńilip qaldy – 4:6, 4:6.
Eske sala keteıik, budan buryn US Open irikteý týrnırinde Juqaev pen Skatov ózara kezdesetinin jazǵan edik.
