Elena Rybakına Ýımbldon týrnıriniń ekinshi aınalymyna shyqty
ASTANA. KAZINFORM — Qazaqstannyń birinshi, álemniń 2-raketkasy Elena Rybakına Ýımbldon týrnırin jeńispen bastady.
Qazaqstandyq tennısshi alǵashqy aınalymda álemdik reıtıngide 154-oryndaǵy frantsııalyq Loıs Býassonmen kezdesti.
Bul qos sportshynyń ózara birinshi oıyny edi.
Elena matchty sátti bastady - 6:4.
Ekinshi sette frantsııalyq tennısshi ese qaıyrdy - 6:1.
Úshinshi, sheshýshi partııada Rybakına jeńisti julyp aldy - 6:3.
Tartysty báseke 1 saǵat 49 mınýtqa sozyldy.
Elena Rybakına úshinshi aınalymǵa shyǵý úshin rýmynııalyq Elena-Gabrıela Rýze nemese amerıkalyq Ketı Maknallıdiń qaı jeńgenimen talasady.
Eske sala keteıik, budan buryn Ýımbldon týrnıriniń qazaqstandyq tennısshiler úshin sátsiz bastalǵanyn jazǵan edik.
