Elena Rybakına Tsıntsınnatı týrnıriniń tórtinshi aınalymyna joldama aldy

ASTANA. KAZINFORM — Qazaqstannyń birinshi, álemniń 10-raketkasy Elena Rybakına Tsıntsınnatı (AQSh) WTA 1000 týrnıriniń tórtinshi aınalymyna shyqty.

Qazaqstandyq tennısshi úshinshi aınalymda álemniń 22-raketkasy, belgııalyq Elıse Mertenspen sheberlik baıqasty.

Qarsylastar osyǵan deıin ózara alty ret kezdesip, sonyń beseýinde qazaqstandyq sportshy basym túsken edi.

Bul joly birinshi partııada Rybakına qatelikke jıi boı aldyrdy – 4:6. 

Esesine ekinshi sette 3:0 esebimen alǵa shyqty. Aqyry sol basymdylyǵynan aıyrylǵan joq – 6:3.

Úshinshi, sheshýshi partııada esep 5:5 bolǵan mezette Elena breık jasaı aldy – 6:5. Sodan keıin matchqa dop bergende, múmkindigin jibergen joq – 7:5.

Eki saǵat 12 mınýtqa sozylǵan tartysty básekede Rybakına 11 eıspen birge 8 breık-poınttyń úsheýin óz esebine jazdy. Mertens 11 eıs, 2 breıkpen (6 breık-poınt) erekshelendi. 

Elena Rybakına shırek fınalǵa shyǵý úshin álemniń 6-raketkasy, amerıkalyq Medıson Kızben talasady.

Ótken jyly E.Rybakına Tsıntsınnatıde ekinshi aınalymnan asa almaǵan edi. 

Taǵy bir qazaqstandyq, 40 jastaǵy Galına Voskoboeva japonııalyq Mııý Katomen birge juptyq synda alǵashqy aınalymda reseılik Aleksandra Panova – qytaılyq Hanıýı Goǵa ese jiberdi – 7:5, 0:6, 5:10. 

Eske sala keteıik, budan buryn Japonııadaǵy Rolan Garrostyń irikteý týrnırine elimizden úsh jas tennısshi joldama alǵanyn jazǵan edik.