Elena Rybakına Toronto týrnırindegi tartysty matchta jeńiske jetti
ASTANA. KAZINFORM — Qazaqstannyń birinshi, álemniń 2-raketkasy Elena Rybakına Toronto (Kanada) WTA 1000 týrnıriniń úshinshi aınalymyna shyqty.
Jarysty ekinshi aınalymnan bastaǵan qazaqstandyq tennısshi álemdik reıtıngide 61-oryndaǵy aýstralııalyq Darıa Kasatkınamen sheberlik baıqasty.
Qarsylastar osyǵan deıin ózara bes ret kezdesip, sonyń úsheýinde Rybakına jeńgen edi.
Ýımbldonnan keıin úzilis alǵan qazaqstandyq sportshy bul joly birinshi partııada 3:0 esebimen alǵa ketip, sol basymdylyǵyn saqtap qaldy — 6:3.
Ekinshi setti tennısshiler breık almasýmen bastady. Budan keıin aýstralııalyq sportshy 4:2 esebimen alǵa ketkenimen, Elena tarazy basyn teńestire aldy — 4:4. Alaıda jıi qatelesken Rybakına setti berip qoıdy — 5:7.
Úshinshi, sheshýshi partııada Elena Rybakına 3:1 esebimen alǵa shyqty. Aqyry básekeni jeńispen túıindedi — 6:4.
Eki saǵat 32 mınýtqa sozylǵan tartysty matchta Rybakına 15 eıspen birge 14 breık-poınttyń tórteýin óz esebine jazdy. Kasatkına 3 eıs, 3 breıkpen (12 breık-poınt) kózge tústi.
Elena Rybakınanyń dopty oıynǵa qosqanda 16 ret qosarly qatelikke jol bergeni alańdatady.
Qazaqstandyq tennısshi tórtinshi aınalymǵa shyǵý úshin álemniń 31-raketkasy, amerıkalyq Enn Lımen talasady.
Eske salaıyq, budan buryn Jibek Qulambaevanyń Ispanııadaǵy týrnırde top jarǵanyn jazǵan edik.
Sondaı-aq Sonıa Jıenbaeva Ispanııadaǵy týrnırde qarsylasyn aıqyn basymdylyqpen jeńdi.
