Elena Rybakına Toronto týrnırinde ótken jylǵy nátıjesin qaıtalaı ala ma
ASTANA. KAZINFORM — Qazaqstannyń birinshi, álemniń 2-raketkasy Elena Rybakınanyń Toronto (Kanada) WTA 1000 týrnırindegi alǵashqy qarsylasy anyqtaldy.
Aıtýly dodany ekinshi aınalymnan bastaıtyn E.Rybakına álemdik reıtıngide 61-orynda turǵan aýstralııalyq Darıa Kasatkınamen kezdesedi.
Aýstralııalyq sportshy alǵashqy aınalymda tartysty matchta álemniń 42-raketkasy, qytaılyq Van Sınıýıdi kambekpen jeńdi – 1:6, 7:6 (7:5), 7:5.
Ýımbldondaǵy sátsizdikten keıin tynyǵyp alǵan E.Rybakına Kanadada kortqa shyqpaqshy. 2025 jyly ol Torontoda, odan keıin Tsıntsınnatıdaǵy dál osyndaı jarysta jartylaı fınalǵa deıin jetken edi.
Rybakına úshin atalǵan qos doda naǵyz synaq bolǵaly tur. Óıtkeni ótken jylǵy upaıyn qorǵaý úshin oǵan bıyl jartylaı fınalǵa deıin jetýge týra keledi.
Taǵy bir qazaqstandyq tennısshi, reıtıngide 81-oryndaǵy ıÝlııa Pýtıntseva Torontoda bastapqy kezdesýinde-aq álemniń 57-raketkasy, qytaılyq Chjan Shýaıdan oısyraı utyldy – 4:6, 1:6.
Toronto týrnıriniń júlde qory 7,4 mln AQSh dollarynan asady.
Eske sala keteıik, budan buryn Jibek Qulambaeva Ispanııadaǵy týrnırde top jarǵanyn jazǵan edik.
