Elena Rybakına Tokıo WTA 500 týrnırinen nege bas tartqanyn túsindirdi

Qazaqstannyń birinshi, álemniń 5-raketkasy Elena Rybakına Tokıo WTA 500 týrnırinde oınaýdan nege bas tartqanyn túsindirdi, dep habarlaıdy QazAqparat tilshisi.

Atalmysh iri jarystyń alǵashqy aınalymynda qazaqstandyq tennısshi chehııalyq Lında Noskovamen sheberlik baıqasýy kerek edi.

E.Rybakına «Sport Shredıngera» telegram-kanalynda bylaı dep jazdy.

«Bıyl Tokıodaǵy týrnırden bas tartýǵa májbúr bolǵanym óte ókinishti. Men bul jarysqa qatysqym-aq keldi, bul qala óte unaıdy. Men eń aldymen ózimniń densaýlyǵyma jáne babyma mán berýge tıispin. 100 paıyz daıyn bolý úshin maǵan ýaqyt kerek», - dep jazdy E.Rybakına.
Qazaqstandyq tennısshini Tokıo dodasynda reıtıngide 181-orynda turǵan japonııalyq Hımeno Sakatsýme aýystyrady.
Eske sala keteıik, budan buryn qazaqstandyq tennısshilerdiń Azııa oıyndaryn sátti bastaǵanyn jazǵan edik.