Elena Rybakına tennıs tarıhynda rekordtyq nátıjege qol jetkizdi

ASTANA. KAZINFORM – Aýstralııa ashyq chempıonatynyń jeńimpazy, qazaqstandyq tennısshi Elena Rybakına álemniń 1-raketkalarymen bolǵan oıyndardan keıingi jeńis sanyn kóbeıtti.

Opta Ace saıtynan málim etkenindeı, búgin álemdik reıtıng kóshbasshysy Arına Sobolenkony utqan E.Rybakına jeńis boıynsha paıyzdyq kórsetkishin 60-qa jetkizdi.

Bylaısha aıtqanda, álemniń 1-raketkalarymen ótkizgen 15 oıynnyń 9-ynda Elena basym túsken, altaýynda jeńilis tapqan, ıaǵnı 60 paıyz. 

Bul – WTA reıtıngisiniń alǵashqy jarııalanymy jaryq kórgen 1975 jyldan bergi eń joǵary kórsetkish. Reıtıngide álemniń 1-raketkalarymen keminde 10 match oınaǵan tennısshilerdiń nátıjeleri esepteledi. 

E.Rybakına «Úlken dýlyǵa» týrnıriniń 23 dúrkin chempıony, amerıkalyq Serena Ýılıams jáne osyndaı 22 tıtýlǵa qol jetkizgen germanııalyq Shteffı Grafty basyp ozdy.

Álemniń birinshi raketkalarymen keminde on match ótkizgen úzdik tennısshiler jeńisiniń paıyz kórsetkishi boıynsha reıtıngisi: 

1.Elena Rybakına (Qazaqstan) — 60 paıyz.

2.Serena Ýılıams (AQSh) — 58,6 paıyz.

3.Shteffı Graf (Germanııa) — 57,9 paıyz.

4.Lındseı Devenport (AQSh) — 44,1 paıyz.

5.Elına Svıtolına (Ýkraına) — 43,8 paıyz.

Búgin fınaldan keıingi baspasóz máslıhatynda E.Rybakınaǵa álemniń úzdik tennısshisi bolǵyń kele me, taıaýdaǵy maqsatyń reıtıngide birinshi orynǵa kóterilý me? degen saýal qoıyldy. 

- Iá, meniń maqsatym úlken. Árıne, bárin ýaqyt kórsetedi. Biraq biz jumysty jalǵastyramyz. Óz maqsatyma jetemin dep úmittenemin, - dedi qazaqstandyq tennısshi.

Eske sala keteıik, budan buryn Elena Rybakınanyń Aýstralııa ashyq chempıonatynyń jeńimpazy atanǵanyn jazǵan edik.

Memleket basshysy Elena Rybakınany jeńisimen quttyqtady.

Elena Rybakına Qazaqstan halqyna alǵysyn aıtty.