Elena Rybakına Strasbýrg týrnıriniń shırek fınalyna ótti

ASTANA. KAZINFORM — Qazaqstannyń birinshi, álemniń 12-raketkasy Elena Rybakına Strasbýrg (Frantsııa) WTA 500 týrnırin jeńispen bastady.

Jarystyń 4-raketkasy bolyp tirkelgen qazaqstandyq tennısshi alǵashqy aınalymda álemdik reıtıngide 42-orynda turǵan qytaılyq Van Sınıýımen kezdesti. 

Birinshi partııada Rybakına eki ret breık jasap, qınala qoıǵan joq – 6:1. 
Tartystylaý órbigen ekinshi sette esep 3:3 bolǵan mezette Elena breık jasaı aldy. Sodan keıin matchty taǵy bir breıkpen túıindedi – 6:3.

Bir saǵat 4 mınýtqa sozylǵan básekede Rybakına 6 eıspen birge 10 breık-poınttyń tórteýin paıdalandy. Sınıýı 2 eıspen shekteldi. 

Kezdesýden keıingi suhbatynda qazaqstandyq tennısshi Rolan Garros týrnıri qarsańynda sátti oınaýǵa tyrysatynyn jetkizdi. 

Elena Rybakına jartylaı fınalǵa shyǵý úshin álemniń 33-raketkasy, Polsha ókili Magda Lınetpen talasady. 

M.Lınett ekinshi aınalymda reıtıngide 41-satydaǵy slovakııalyq Rebekka Shramkovany qapy qaldyrdy – 6:4, 6:3. R.Shramkova alǵashqy aınalymda qazaqstandyq ıÝlııa Pýtıntsevany utqan bolatyn. 

Júlde qory 925 661 eýroǵa baǵalanǵan Strasbýrg jarysy 24 mamyrda máresine jetedi. Ótken jyly chempıon atanǵan amerıkalyq Medıson Kız bıyl qatysyp jatqan joq. 

E.Rybakına 2020 jyly Strasbýrgte fınalǵa deıin jetip, onda ýkraınalyq Elına Svıtolınaǵa ese jibergen edi – 4:6, 6:1, 2:6. Sodan keıin bul dodaǵa joly túspegen bolatyn. 

Eske sala keteıik, budan buryn Qazaqstan jasóspirimder quramasy Devıs kýbogynyń irikteý saıysyn sátti bastaǵanyn jazǵan edik.

Devıs kýbogynda Qazaqstan jasóspirimder quramasy Irandy 2:1 esebimen utty.