Elena Rybakına Shtýtgartta álemniń 1-raketkasyn jeńip, fınalǵa shyqty

ASTANA. KAZINFORM — Qazaqstannyń birinshi, álemniń 4-raketkasy Elena Rybakına Shtýtgart (Germanııa) WTA 500 týrnıriniń fınalyna shyqty.

Qazaqstannyń kóshbasshy tennısshisi jartylaı fınalda álemniń 1-raketkasy, Polsha ókili Iga Shventekpen sheberlik baıqasty.

Qarsylastar osyǵan deıin bes ret kezdesip, sonyń úsheýinde Rybakına jeńgen edi.

Bul joly bastapqyda Shventek 2:0 esebimen alǵa shyqqanymen, Rybakına tarazy basyn ózderine aýdara aldy – 6:3.

Ekinshi setti Iga breıkpen támamdady – 6:4.

Úshinshi, sheshýshi partııada esep 2:2 bolǵan sátte Elena breık jasap, izinshe óz geımin aldy – 4:2.

Sodan keıin matchty taǵy bir breıkpen túıindedi – 6:3.

Eki saǵat 49 mınýtqa sozylǵan tartysty matchta Rybakına 10 eıspen birge 20 breık-poınttyń tek tórteýin paıdalandy.

Shventek eıs jasamaǵanymen, 2 breıkpen erekshelendi.

Osylaısha qazaqstandyq tennısshi sport jolynda alǵash ret Shtýtgart jarysynyń fınalyna joldama aldy.

Elena Rybakına fınalda álemniń 8-raketkasy, chehııalyq Marketa Vondroýshova nemese reıtıngide 27-oryndaǵy ýkraınalyq Marta Kostıýktiń bireýimen chempıondyq ataqty sarapqa salady.

Eske sala keteıik, budan buryn Elena Rybakınanyń Shtýtgart jarysynyń jartylaı fınalyna ótkenin jazǵan edik. 

Qazaqstandyq tennısshiler Shymkent týrnıriniń jeńimpazy atandy.