Elena Rybakına Shtýtgart WTA 500 týrnırinde baq synaıdy
ASTANA. KAZINFORM — Qazaqstannyń birinshi, álemniń 4-raketkasy Elena Rybakına Shtýtgart (Germanııa) WTA 500 týrnırine qatysýshylardyń tizimine kirdi.
Shtýtgart qalasynda 15-21 sáýirde ótetin baıraqty básekede qazaqstandyq tennısshi tórtinshi raketka bolyp tirkeldi.
Aıtýly dodada álemniń úzdik úshtigine enetin Polsha ókili Iga Shventek, Belorýs tennısshisi Arına Sobolenko jáne amerıkalyq Korı Gaýff baq synaıdy.
Ázirge Qazaqstannyń mańdaıaldy tennısshisi Maıamı WTA 1000 jarysyndaǵy alǵashqy oıynyna daıyndalýda. Rybakına ekinshi aınalymda dúnıejúzilik reıtıngide 91-orynda turǵan danııalyq Klara Taýsonmen kezdesedi. Bul oıyn 21 naýryzǵa belgilengen.
Eske sala keteıik, budan buryn Denıs Evseevtiń juptyq synda Ispanııadaǵy jarystyń shırek fınalyna ótkenin jazǵan bolatynbyz. Sondaı-aq tennısten álem chempıonatynda Qazaqstan jasóspirimder quramasy irikteý týrnıriniń shırek fınalyna shyqty.
