Elena Rybakına Shtýtgart týrnıriniń shırek fınalyna shyqty

ASTANA. KAZINFORM — Qazaqstannyń birinshi, álemniń 2-raketkasy Elena Rybakına Shtýtgart (Germanııa) WTA 500 týrnırin jeńispen bastady.

Jarystyń 1-raketkasy bolyp tirkelip, dodaǵa ekinshi aınalymnan qosylǵan qazaqstandyq tennısshi WTA reıtıngisinde 19-orynda turǵan reseılik Dıana Shnaıderdi synap kórdi.

Birinshi partııada Elena 4:1 esebimen alǵa ketip, sol basymdylyqty saqtap qaldy — 6:3.

Ekinshi sette esep 4:4 bolǵan mezette breık jasaı bildi — 6:4.

Bir saǵat 14 mınýtqa sozylǵan básekede Rybakına 9 eıspen birge 4 breık-poınttyń teń jartysyn óz esebine jazdy. Shnaıder 1 eıspen shekteldi. 

Elena Rybakına jartylaı fınalǵa shyǵý úshin álemniń 25-raketkasy, kanadalyq Leıla Fernandes nemese reıtıngide 79-satydaǵy túrkııalyq Zeınep Senmezdiń qaı jeńgenimen talasady. 

E.Rybakına 2024 jyly Shtýtgartta úzdik shyqqan bolatyn. Al ótken jyly Qazaqstan quramasy sapynda oınaýyna baılanysty qatyspaǵan edi. Sondyqtan bıyl reıtıngilik upaı qoryn tolyqtyratyndaı jaqsy múmkindik bar.

Eske sala keteıik, budan buryn Shymkenttegi halyqaralyq týrnırde Qazaqstannan kimder oınaıtynyn jazǵan bolatynbyz.