Elena Rybakına Rolan Garros týrnırinde Olımpıada chempıonymen oınaıdy

ASTANA. KAZINFORM — Jekeleı synda erler jáne áıelder arasynda Rolan Garros týrnıriniń jerebesi tartyldy.

Qazaqstannyń birinshi, álemniń 12-raketkasy Elena Rybakına alǵashqy aınalymda dúnıejúzilik reıtıngide kezinde 4-orynǵa deıin kóterilgen, qazirgi sátte 39-orynda turǵan shveıtsarııalyq Belında Benchıchpen kortqa shyǵady.

Tokıo Olımpıadasynda E.Rybakına jartylaı fınalda dál osy tennısshige utylǵan edi. Keıin B.Benchıch chempıon atansa, qazaqstandyq sportshy qola júlde úshin básekede ýkraınalyq Elına Svıtolınaǵa ese jibergen bolatyn. 

Bıyl Ábý-Dabı WTA 500 týrnırinde E.Rybakına B.Benchıchke taǵy da jol berdi.
Taǵy bir qazaqstandyq, álemniń 29-raketkasy ıÝlııa Pýtıntseva Frantsııa ashyq chempıonatynda irikteý saıysy jeńimpazdarynyń birimen kezdesedi.

Qazaqstannyń erler arasynda birinshi, álemniń 51-raketkasy Aleksandr Býblık bastapqy kezdesýin reıtıngide 92-satydaǵy aýstralııalyq Djeıms Dakvortpen ótkizedi.
Іrikteý saıystarynyń fınalyna shyqqan Aleksandr Shevchenko erteń aýstrııalyq Fılıp Mısolıchti utsa, negizgi jarysqa joldama alady.

Basqa qazaqstandyqtar jekeleı synda atalmysh «Úlken dýlyǵa» týrnırine qatysýdan úmitin úzdi. Búgin irikteý satysynyń jartylaı fınalynda Dmıtrıı Popko kolýmbııalyq Danıel Elahı Galannan oısyraı jeńildi — 1:6, 2:6.

Tımofeı Skatovty tartysty básekede frantsııalyq Lıýka Van Ash toqtatty — 6:7 (3:7), 6:2, 6:2.

Eske sala keteıik, budan buryn Elena Rybakınanyń Strasbýrg jarysynyń jartylaı fınalyna shyqqanyn jazǵan bolatynbyz.

Sondaı-aq Jibek Qulambaeva Serbııadaǵy týrnırdiń shırek fınalyna joldama aldy.