Elena Rybakına Rolan Garros týrnırin jeńispen bastady
PARIJ. KAZINFORM - Qazaqstannyń birinshi, álemniń 4-raketkasy Elena Rybakına Rolan Garros týrnırin jeńispen bastady.
Qazaqstandyq tennısshi alǵashqy aınalymda dúnıejúzilik reıtıngide 85-orynda turǵan belgııalyq Grete Mınnenmen sheberlik baıqasty.
Osyǵan deıin qarsylastar ózara eki ret kezdesip, Rybakına jeńgen edi.
Bul joly Elena 6:2, 6:3 esebimen jeńiske jetti. Bir saǵat 13 mınýtqa sozylǵan báseke barysynda qazaqstandyq sportshy 5 eıspen birge 10 breık-poınttyń altaýyn paıdalandy. Mınnen 3 eıs, 3 breıkpen (4 breık-poınt) shekteldi.
Elena Rybakına úshinshi aınalymǵa shyǵý úshin álemniń 50-raketkasy, nıderlandtyq Arancha Rýs nemese reıtıngide 232-satydaǵy germanııalyq Anjelıka Kerberdiń jeńgenimen talasady.
Eske sala keteıik, budan buryn Rolan Garros týrnırinde Aleksandr Shevchenkonyń bes settik matchta jeńiske jetkenin jazǵan bolatynbyz.
