Elena Rybakına «Rolan Garros» týrnırin jeńispen bastady

Parıj kortyndaǵy alǵashqy kezdesýde otandasymyz WTA reıtınginde 84-orynda turǵan 26 jastaǵy slovenııalyq Veronıka Erıavetsti esh qıyndyqsyz qapy qaldyrdy.

Qazaqstan tennıs federatsııasy málimetinshe, 1 saǵat pen 16 mınýtqa sozylǵan match 6:2, 6:2 esebimen Elenanyń paıdasyna aıaqtaldy. Osy ýaqyt ishinde Rybakına 2 eıs jasap, 1 ret qosarlanǵan qatelikke boı aldyrdy. Sondaı-aq, 5 breık-poınttyń tórteýin sátti paıdalanyp, óz geımderinde qarsylasyna birde-bir múmkindik bergen joq.

Eske sala keteıik, ótken maýsymda Elena Parıjde tórtinshi aınalymǵa deıin jetken bolatyn. Bul degenimiz – aldaǵy eki aptada otandasymyzǵa 240 reıtıngtik upaıyn qorǵaý qajet. Rybakınanyń kelesi qarsylasy Ýkraına ókili ıÝlııa Starodýbtseva (№55 WTA) bolmaq.

Sonymen qatar búgin alǵashqy aınalym aıasynda Qazaqstannyń ekinshi raketkasy ıÝlııa Pýtıntseva da (№76 WTA) kortqa shyqty. Onyń qarsylasy – avstralııalyq Talııa Gıbson (№58 WTA).

Áıelder arasyndaǵy juptyq synda Qazaqstan namysyn ádettegideı Anna Danılına qorǵaıdy. Elimizdiń úzdik juptyq syn sheberi óziniń burynǵy seriktesi – serbııalyq Aleksandra Krýnıchpen qaıta tize qosty. Bastapqy matchta qaıta tabysqan jup Chehııa ókilderi Djesıka Malechkova jáne Mırıam Shkoh dýetine qarsy oınaıdy.

Al erler arasyndaǵy básekede el namysyn qorǵaǵan Aleksandr Shevchenko (№88 ATP) jekeleı syndaǵy jarysyn erte aıaqtaýǵa májbúr boldy. Negizgi kestege tikeleı joldama alǵan otandasymyz úsh set qorytyndysy boıynsha amerıkalyq Aleks Mıkelsennen (№42 ATP) 2:6, 4:6, 2:6 esebimen utylyp qaldy. Degenmen Shevchenko Parıj korttarymen birjola qoshtasqan joq: ol juptyq synda qurama kóshbasshysy Aleksandr Býblıkpen birge óner kórsetedi.

Aleksandr Býblıktiń (№10 ATP) ózi jekeleı syndaǵy jolyn erteń bastaıdy. Qazaqstannyń birinshi raketkasy alǵashqy matchta Germanııa ókili ıAn-Lennard Shtrýffpen (№80 ATP) raketka siltesedi.

Buǵan deıin Elena Rybakına Rım týrnıriniń jartylaı fınalynan tys qalǵanyn jazǵan edik.