Elena Rybakına Rım týrnıriniń úshinshi aınalymyna ótti
ASTANA. KAZINFORM — Qazaqstannyń birinshi, álemniń 2-raketkasy Elena Rybakına Rım (Italııa) WTA 1000 týrnırin jeńispen bastady.
Qazaqstandyq tennısshi ekinshi aınalymda álemniń 47-raketkasy, grekııalyq Marııa Sakkarımen betpe-bet keldi.
Qarsylastar osyǵan deıin ózara alty ret kezdesip, sonyń beseýinde Rybakınanyń mereıi ústem bolǵan edi.
Bul joly Elena birinshi partııany breıkpen bastaǵanymen, Marııa tarazy basyn teńestirdi — 3:3. Degenmen qazaqstandyq sportshy taǵy bir breık jasap, óz paıdasyna sheshe aldy — 6:4.
Ekinshi sette Rybakına 3:0 esebimen alǵa ketkenimen, Sakkarı qaıyra breık jasady.
Degenmen Elena matchty jeńispen túıindedi — 6:1.
Bir saǵat 15 mınýtqa sozylǵan básekede E.Rybakına 5 eıspen birge 12 breık-poınttyń altaýyn paıdalandy. M.Sakkarı 2 breıkpen erekshelendi.
Elena Rybakına tórtinshi aınalymǵa shyǵý úshin álemniń 42-raketkasy, fılıppındik 42-oryndaǵy Aleksandra Ealamen talasady. Ol ekinshi aınalymda reıtıngide 33-oryndaǵy qytaılyq Sınıýı Vandy joldan taıdyrdy — 6:4, 6:3.
Eske sala keteıik, budan buryn Zańǵar Nurlanulynyń Germanııadaǵy týrnırdiń shırek fınalyna shyqqanyn jazǵan edik.
Rım masters týrnırinde Aleksandr Býblık qarsylasyn bet qaratpaı utty.
