Elena Rybakına Rım týrnıriniń tórtinshi aınalymyna joldama aldy
ASTANA. KAZINFORM — Qazaqstannyń birinshi, álemniń 2-raketkasy Elena Rybakına Rım (Italııa) WTA 1000 týrnıriniń tórtinshi aınalymyna shyqty.
Qazaqstandyq tennısshi úshinshi aınalymda álemniń 42-raketkasy, 20 jastaǵy fılıppındik Aleksandra Ealaǵa tap keldi.
Birinshi partııada esep 1:1 bolǵan mezette Elena breık jasap, sol basymdylyǵyn saqtap qaldy – 6:4.
Qarsylastar ekinshi setti breık almasýmen bastady. Degenmen sodan keıin Rybakına 4:2 esebimen alǵa ketti. Aqyry matchty taǵy bir breıkpen túıindedi – 6:3.
Bir saǵat 33 mınýtqa sozylǵan básekede E.Rybakına 6 eıspen birge 7 breık-poınttyń tórteýin qur jibergen joq. Eala 1 eıs, 1 breıkten asa almady.
Elena Rybakına shırek fınalǵa shyǵý úshin álemniń 46-raketkasy, germanııalyq Laýra Zıgemýnd nemese reıtıngide 130-satydaǵy chehııalyq Karolına Plıshkovanyń qaı jeńgenimen talasady.
Eske sala keteıik, budan buryn Rım masters týrnırinde Aleksandr Býblıktiń qarsylasyn bet qaratpaı utqanyn jazǵan edik.
Sondaı-aq Elena Rybakına Rım týrnıriniń úshinshi aınalymyna ótti.
Elena Rybakına álemdik reıtıngide Sobolenkoǵa jaqyndaı tústi.
