Elena Rybakına Rım týrnırinde AQSh chempıonyna jol berdi
ASTANA.KAZINFORM — Qazaqstannyń birinshi, álemniń 12-raketkasy Elena Rybakına Rım (Italııa) WTA 1000 týrnıriniń tórtinshi aınalymyna shyǵa almady.
Qazaqstandyq tennısshi úshinshi aınalymda 2019 jylǵy AQSh chempıony, qazirgi kezde reıtıngide 121-orynda turǵan kanadalyq Bıanka Andreeskýmen sheberlik baıqasty.
Qarsylastar osyǵan deıin úsh ret kezdesip, sonyń bárinde Rybakına jeńgen edi.
Bul joly kanadalyq sportshy birinshi partııada eki breık jasady — 6:2.
Ekinshi sette de Andreeský 2:0 esebimen alǵa shyǵyp, sol basymdylyqty saqtap qaldy — 6:4.
Saǵat jarymǵa jýyq ýaqytqa sozylǵan matchta Rybakına 1 eıs jasap, 5 breık-poıntty paıdalana almady. Andreeský 1 eıs, 3 breıkpen (6 breık-poınt) kózge tústi.
Osylaısha, Elena Rybakına jarys jolynan shyǵyp qaldy. Ol 2023 jyly Rımde chempıon atansa, ótken jyly densaýlyǵyna baılanysty qatyspaǵan edi.
Eske sala keteıik, budan buryn ıÝlııa Pýtıntsevanyń juptyq synda Rım týrnıriniń 1/8 fınalyna joldama alǵanyn jazǵan bolatynbyz.