Rybakına Parıj Olımpıadasynda nege oınamaıtynyn túsindirdi

ASTANA. KAZINFORM — Qazaqstannyń birinshi, álemniń 4-raketkasy Elena Rybakına Parıj Olımpıadasynda nege oınamaıtynyn túsindirdi.

E. Rybakına qazaqstandyqtarǵa Parıj Olımpıadasyna qatysa almaıtynyn ókinishpen habarlady.

«Ýımbldon týrnırinen keıin jedel bronhıtpen aýyrdym. Jattyǵýǵa oralýǵa árekettensem de, meniń aǵzam tolyqtaı qalpyna kelgen joq. Dárigerler kortqa shyǵýyma qatań tyıym saldy. Parıj Olımpıadasynda bizdiń qurama úshin óner kórsetip, el úmitin aqtaı almaıtynym óte ókinishti. Tokıoda medalǵa qol sozym jerde boldym. Parıjde Qazaqstan úshin altyn alýǵa muqııat daıyndaldym. Ókinishke qaraı, aýrý bul jospardyń oryndalýyna múmkindik bermedi. Barlyq qazaqstandyq sportshylarǵa Parıjde sáttilik pen tabys tileımin. Men bizdiń barlyq atletterimizge jankúıer bolamyn, olardyń Olımpıadada el namysyn abyroımen qorǵaıtynyna senemin. Alǵa, Qazaqstan!» - dedi E. Rybakına.

Eske sala keteıik, budan buryn Elena Rybakınanyń Olımpıada oıyndaryna qatyspaý jóninde sheshim qabyldaǵanyn jazǵan bolatynbyz.

Dárigerler Elena Rybakınanyń kortqa shyǵýyna tyıym salǵan.