Elena Rybakına óz komandasyna burynǵy bapkeri Stefano Výkovty qaıta qosty

ASTANA. KAZINFORM – Qazaqstannyń birinshi, álemniń 6-raketkasy Elena Rybakına burynǵy bapkeri Stefano Výkovpen qarym-qatynasyn qaıta jalǵastyratynyn málimdedi.

Bul týraly tennısshi Instagram áleýmettik jelisindegi paraqshasynda jazdy.

- Bárińizge sálem. Men Stefanonyń 2025 jylǵy maýsymda komandama qosylatynyn qýana jarııa etemin. Bárińizge qoldaýyńyz úshin raqmet. 2025 jyl tamasha jyl bolsyn! – dep jazdy E.Rybakına.

Qazaqstandyq tennısshiniń horvatııalyq S.Výkovpen 2019 jyldan bastap jumys istegeni belgili. Alaıda Elena 2024 jyldyń tamyzynda yntymaqtastyqty toqtatqan bolatyn. Keıin qarashada E.Rybakınanyń jańa bapkeri, taǵy bir horvatııalyq Goran Ivanıshevıch bolatyny jarııa etildi.

Eske sala keteıik, budan buryn United Cup týrnırinde Qazaqstannyń alǵash ret United Cup týrnıriniń jartylaı fınalyna ótkenin jazǵan bolatynbyz.

Sondaı-aq Novak Djokovıch Elena Rybakınanyń Goran Ivanıshevıchpen birge birneshe iri tabysqa jetýi múmkin ekenin aıtty.