Elena Rybakına ózi chempıon atanǵan týrnırde óner kórsetedi
ASTANA. KAZINFORM — Qazaqstannyń jáne álemniń 1-raketkasy Elena Rybakınanyń 2027 jylǵy 3-10 qańtarda Aýstralııada ótetin Brısben WTA 500 týrnırinde baq synaıtyny belgili boldy.
Bul týraly jarysty uıymdastyrýshylar Instagram áleýmettik jelisinde málim etti.
- Álemniń birinshi raketkasy. Brısben chempıony. Seniń oralǵanyńa qýanyshtymyz, - delingen onda.
Qazaqstandyq tennısshi 2024 jyly osy dodanyń fınalynda álemniń sol kezdegi 1-raketkasy, Belarýs ókili Arına Sobolenkony 6:0, 6:3 esebimen jeńip, chempıon atanǵan edi.
Al bıylǵy jyly sońǵy básekede ýkraınalyq Marta Kostıýkti 6:4, 6:3 esebimen utqan A.Sobolenko úzdik shyqty. Al E.Rybakına shırek fınalda chehııalyq Karolına Mýhovaǵa 2:6, 6:2, 4:6 esebimen jol berdi.
Aldaǵy jyldyń alǵashqy týrnırinde Belarýs tennısshisine bıylǵy chempıondyq ataǵy men 500 reıtıngilik upaıyn qorǵaýǵa týra keledi. Al Elena Rybakına bıylǵy nátıjesin jaqsartsa, upaı qoryn tolyqtyra alady.
Eske sala keteıik, budan buryn Aleksandr Shevchenkonyń Qytaıdaǵy týrnırdiń shırek fınalyna shyqqanyn jazǵan edik.
Álemniń 111-raketkasy A.Shevchenko Tszınan (Qytaı) chellendjer týrnıriniń shırek fınalynda reıtıngide 86-oryndaǵy ıtalııalyq Mattıa Belýchchıge jol berdi – 4:6, 4:6. Sóıtip ol jartylaı fınaldan tys qaldy.
