Elena Rybakına Nınbodaǵy týrnır aldynda málimdeme jasady
ASTANA. KAZINFORM — Qazaqstandyq tennısshi Elena Rybakına 2026 jylǵy maýsymnyń sońǵy kezeńindegi maqsattary jáne Qytaıdyń Nınbo qalasyndaǵy týrnırge qaıta oralýy týraly aıtty, dep jazady Sports.kz.
— Eń aldymen, munda qaıta oralǵanyma qýanyshtymyn. Bul týrnırden keremet estelikterim bar. Taǵy da jeńiske jetemin dep úmittenemin. Ony ýaqyt kórsetedi, — dedi Elena Rybakına.
Tennısshi eń mańyzdysy — maýsymdy álemdik reıtıngtiń birinshi satysynda aıaqtaýǵa tyrysý ekenin aıtty.
— Aldaǵy eki aptada bar kúshimdi salýym kerek. Bıylǵy maýsym sátti ótti, biraq sonymen birge uzaqqa sozyldy. Sondyqtan qazir densaýlyǵyma basa nazar aýdaryp, fızıkalyq júktemeni, matchtardy jáne basqa da mindetterdi durys úılestirýge tyrysyp júrmin. Maýsymnyń sońǵy kezeńin joǵary deńgeıde ótkizgim keledi, — dedi Rybakına baspasóz máslıhatynda.
WTA 500 sanatyndaǵy Nınbo týrnıri 19 qazanda bastalyp, 25 qazanda aıaqtalady. Rybakına jarysqa byltyrǵy chempıon retinde qatysady. Ótken jyly ol fınalda reseılik Ekaterına Aleksandrovadan 3:6, 6:0, 6:2 esebimen basym túsip, týrnır jeńimpazy atanǵan.
Aıta keteıik, 19-25 qazan aralyǵynda ótetin Nınbo (Qytaı) WTA 500 týrnırinde qazaqstandyq tennısshilerdiń qarsylastary belgili boldy.
