Elena Rybakına Monreal týrnıriniń úshinshi aınalymyna joldama aldy

ASTANA. KAZINFORM — Qazaqstannyń birinshi, álemniń 12-raketkasy Elena Rybakına Monreal (Kanada) WTA 1000 týrnıriniń úshinshi aınalymyna shyqty.

Jarysty ekinshi aınalymnan bastaǵan qazaqstandyq tennısshi dúnıejúzilik reıtıngide 50-orynda turǵan amerıkalyq Heılı Baptıstpen betpe-bet keldi.

Bul qos tennısshiniń ózara alǵashqy kezdesýi edi.

Rybakına matchty kópke uzatpady – 6:4, 6:2. Bir saǵat 12 mınýtqa sozylǵan básekede ol 11 eıs jasap, 2 breık-poınttan shashaý shyǵarǵan joq. Baptıst 3 eıspen kózge túskenimen, 3 breık-poıntty paıdalana almady. 

Elena Rybakına 1/8 fınalǵa shyǵý úshin reıtıngide 52-satydaǵy rýmynııalyq Jaklın Krıstıanmen talasady. Ol álemniń 23-raketkasy, chehııalyq Lında Noskovany jeńip ketti – 6:3, 6:4.

Monreal dodasy 7 tamyzda máresine jetedi. Jeńimpaz 752 275 AQSh dollaryna qosa 1 myń reıtıngilik upaıǵa ıe bolady. 

Munda sońǵy eki jylda amerıkalyq Djessıka Pegýla úzdik shyqqan edi.

Eske sala keteıik, budan buryn qazaqstandyq tennısshilerdiń Germanııadaǵy jarysty sátti bastaǵanyn jazǵan edik.