Elena Rybakına Madrıdte qarsylasyn aıqyn basymdylyqpen utty

ASTANA. KAZINFORM — Qazaqstannyń birinshi, álemniń 11-raketkasy Elena Rybakına Madrıd (Ispanııa) WTA 1000 týrnıriniń úshinshi aınalymyna ótti.

Qazaqstandyq tennısshi ekinshi aınalymda kezinde reıtıngide 4-orynǵa deıin kóterilgen, qazir 132-satyda turǵan kanadalyq, 2019 jylǵy AQSh chempıonatynyń jeńimpazy Bıanka Andreeskýmen kezdesti. 

Match Rybakınanyń aıqyn basymdylyǵymen ótti — 6:3, 6:2.

Bir saǵat 17 mınýtqa sozylǵan báseke barysynda Elena 3 eıspen birge 9 breık-poınttyń úsheýin múlt jibermedi. Kanadalyq sportshy 3 breık-poıntty paıdalana almady.

— Alǵashqy oıyndar qashanda ońaıǵa túspeıdi. Bıankamen taıtalasý únemi qıyn. Ony jeńgenime óte qýanyshtymyn. Áli tolyq babyma kele qoıǵan joqpyn. Topyraq tósenishine oralyp, birinshi matchymdy ótkizdim. Kelesi básekeni asyǵa kútemin, — dedi E.Rybakına.

Elena Rybakına tórtinshi aınalymǵa shyǵý úshin álemniń 17-raketkasy, ýkraınalyq Elına Svıtolınamen sheberlik talastyrady.

Qazaqstannyń ekinshi, álemniń 24-raketkasy ıÝlııa Pýtıntseva ekinshi aınalymda kútpegen jerden reıtıngide 153-oryndaǵy shveıtsarııalyq Rebeka Masharovadan jeńilis tapty — 3:6, 3:6.

Eske sala keteıik, budan buryn Aleksandr Býblıktiń Madrıd masters týrnırinde ekinshi jeńisine qol jetkizgenin jazǵan bolatynbyz.

Qazaqstandyq tennısshiler Shymkenttegi týrnırdiń fınalyna joldama aldy.