Elena Rybakına Madrıdte 18 jastaǵy tennısshini jeńip, shırek fınalǵa shyqty

MADRID. KAZINFORM – Qazaqstannyń birinshi, álemniń 4-raketkasy Elena Rybakına Madrıd WTA 1000 týrnıriniń shırek fınalyna shyqty.

Qazaqstandyq tennısshi tórtinshi aınalymda dúnıejúzilik reıtıngide 136-orynda turǵan chehııalyq, 18 jastaǵy Sara Beılekpen kortta alǵash ret kezdesti.

Match breık almasýmen bastalǵanymen, Rybakına oıynyn tez túzep, 4:1 esebimen alǵa shyqty. Setti jarty saǵatta taǵy bir breıkpen bitirdi – 6:1.

Ekinshi partııada esep 3:2 bolǵan mezette Elena breık jasaǵanymen, Beılek sol boıda qarymta qaıyrdy. Degenmen qazaqstandyq sportshy taǵy bir breıkten keıin úshinshi matchbolyn múlt jibergen joq – 6:3. 

Bir saǵat 16 mınýtqa sozylǵan báseke barysynda Rybakına eıs jasamaǵanymen, 10 breık-poınttyń altaýyn paıdalandy. Beılek 1 eıs, 2 breıkpen (14 breık-poınt) shekteldi.

Elena Rybakına jartylaı fınalǵa shyǵý úshin álemniń 11-raketkasy, reseılik Darıa Kasatkına nemese reıtıngide 50-satydaǵy taǵy bir qazaqstandyq ıÝlııa Pýtıntsevanyń qaı jeńgenimen talasady. 

Eske sala keteıik, budan buryn Aleksandr Býblıktiń Madrıdte kambek jasap, tórtinshi aınalymǵa ótkenin jazǵan bolatynbyz.

Qazaqstandyq jas tennısshi Grýzııadaǵy jarysty jeńispen bastady.