Elena Rybakına Madrıd týrnıriniń tórtinshi aınalymyna joldama aldy
ASTANA. KAZINFORM — Qazaqstannyń birinshi, álemniń 2-raketkasy Elena Rybakına Madrıd (Ispanııa) WTA 1000 týrnıriniń tórtinshi aınalymyna shyqty.
Qazaqstandyq tennısshi úshinshi aınalymda álemniń 36-raketkasy, Parıj Olımpıadasynyń chempıony, qytaılyq Chjen Tsınvenmen sheberlik baıqasty.
Qarsylastar osyǵan deıin ózara tórt ret kezdesip, sonyń úsheýinde Rybakına jeńgen edi.
Bul joly qytaılyq tennısshi matchty sátti bastady – 6:4.
Ekinshisinde Rybakına ese qaıyrdy – 6:4.
Úshinshi, sheshýshi setti qazaqstandyq sportshy jeńispen túıindedi - 6:3
Eki saǵat 21 mınýtqa sozylǵan tartysty básekede Elena 7 eıspen birge 9 breık-poınttyń tórteýin qur jibermedi. Tsınven 9 eıs, 3 breıkpen kózge tústi.
Elena Rybakına shırek fınalǵa shyǵý úshin álemniń 40-raketkasy, latvııalyq Elena Ostapenko nemese reıtıngide 56-satydaǵy aýstrııalyq Anastasııa Potapovanyń qaı jeńgenimen talasady.
Ótken jyly E.Rybakına Madrıdte úshinshi aınalymnan asa almaǵan edi. Bıyl sol kórsetkishin jaqsartty.
Eske sala keteıik, budan buryn Aleksandr Býblıktiń juptyq synda Madrıd týrnıriniń ekinshi aınalymyna shyqqanyn jazǵan bolatynbyz.
