Elena Rybakına Madrıd týrnırin kambekpen bastady
ASTANA. KAZINFORM — Qazaqstannyń birinshi, álemniń 2-raketkasy Elena Rybakına Madrıd (Ispanııa) WTA 1000 týrnıriniń úshinshi aınalymyna shyqty.
Jarystyń 2-raketkasy bolyp tirkelgen qazaqstandyq tennısshi ekinshi aınalymda dúnıejúzilik reıtıngide 71-orynda turǵan rýmynııalyq Elena-Gabrıela Rýsemen sheberlik baıqasty.
Osyǵan deıin qarsylastar eki márte kezdesip, Rybakına jeńgen edi.
Bul joly birinshi partııada Rýse 6:4 esebimen basym tústi. Degenmen osydan keıin Elena kambek jasaı aldy — 6:3, 7:5.
Eki saǵat jarymǵa jýyq ýaqytqa sozylǵan tartysty básekede Rybakına 3 eıspen birge 8 breık-poınttyń altaýyn qur jibergen joq. Rýse 2 eıs, 5 breıkpen (9 breık-poınt) kózge tústi.
Elena Rybakına tórtinshi aınalymǵa shyǵý úshin álemniń 36-raketkasy, qytaılyq Chjen Tsınvenmen talasady. Ol ekinshi aınalymda reıtıngide 68-satydaǵy amerıkalyq Sofııa Kenındi qapy qaldyrdy — 1:6, 6:3, 6:3.
Eske sala keteıik, budan buryn Arýjan Saǵyndyqovanyń Mysyrdaǵy jarystyń shırek fınalyna joldama alǵanyn jazǵan bolatynbyz.
Sondaı-aq Jibek Qulambaeva juptyq synda Qytaıdaǵy jarystyń fınalyna shyqty.
