Elena Rybakına London týrnırinde ótken jylǵy chempıondy jeńdi
ASTANA. KAZINFORM — Qazaqstannyń birinshi, álemniń 2-raketkasy Elena Rybakına London (Ulybrıtanııa) WTA 500 týrnıriniń shırek fınalyna joldama aldy.
Jarystyń 1-raketkasy bolyp tirkelgen qazaqstandyq tennısshi ekinshi aınalymda álemdik reıtıngide 58-oryndaǵy germanııalyq Tatıana Marııamen oınady.
Bul E.Rybakınanyń kógal maýsymyndaǵy betashar matchy edi.
Qarsylastar osyǵan deıin ózara eki ret kezdesip, esep teń edi. 2023 jyly qazanda Beıjińde qazaqstandyq tennısshi 7:5, 6:0 esebimen jeńse, budan bir jyl buryn Londonda shırek fınalda T.Marııa qarymta qaıyrǵan – 6:4, 7:6 (7:4). Keıin germanııalyq sportshy osy dodada úzdik shyqqan edi.
Bul joly birinshi partııada Marııa taı-breıkte basymdylyq tanytty - 7:6 (7:4).
Ekinshisinde Elena ese qaıyrdy - 7:5.
Úshinshi, sheshýshi sette Rybakına bet qaratpady -6:0.
Eki saǵat 9 mınýtqa sozylǵan tartysty básekede Elena 8 eıspen birge 13 breık-poınttyń beseýin paıdalandy. T.Marııa 5 eıs, 1 breıkpen (3 breık-poınt) shekteldi.
Elena Rybakına jartylaı fınalǵa shyǵý úshin ulybrıtanııalyq Ketı Býltermen talasady.
Eske sala keteıik, budan buryn Aleksandr Býblıktiń juptyq synda Shtýtgart týrnırin jeńispen bastaǵanyn jazǵan edik.
