Elena Rybakına Qytaıdaǵy týrnırdiń shırek fınalyna shyqty
ASTANA. KAZINFORM — Qazaqstannyń jáne álemniń birinshi raketkasy Elena Rybakına Nınbo (Qytaı) WTA 500 týrnıriniń shırek fınalyna joldama aldy.
Qazaqstandyq tennısshi ekinshi aınalymda álemdik reıtıngide 105-oryndaǵy ózbekstandyq Polına Kýdermetovaǵa tap keldi.
Birinshi sette qazaqstandyq tennısshi 5:0 esebimen alǵa ketti.
Budan keıin Kýdermetovv matchty jalǵastyrýdan bas tartty.
Jarty saǵattan sál astam ýaqytqa sozylǵan básekede Rybakına 1 eıspen birge 9 breık-poınttyń úsheýin paıdalanyp úlgerdi.
Elena Rybakına jartylaı fınalǵa shyǵý úshin reıtıngide 128-satydaǵy Polsha ókili Katajına Kavamen talasady. Ol ekinshi aınalymda álemniń 14-raketkasy, Tokıo Olımpıadasynyń chempıony, shveıtsarııalyq Belında Benchıchti joldan taıdyrdy — 7:5, 6:2.
Elena Rybakına ótken jyly osy dodada chempıon atanǵan edi.
Eske sala keteıik, budan buryn Mıhaıl Kýkýshkınniń Almatydaǵy sońǵy jarysyn jeńispen bastaǵanyn jazǵan edik.
Sondaı-aq Almaty týrnırinde Býblık pen Nurlanuly alǵash ret birge óner kórsetti.
Elena Rybakına iri jarystardaǵy vınners sany jóninen kósh bastady.
