Elena Rybakına Qytaıdaǵy týrnırdiń eki dúrkin chempıony atandy
ASTANA. KAZINFORM — Qazaqstannyń jáne álemniń 1-raketkasy Elena Rybakına Nınbo (Qytaı) WTA 500 týrnırinde top jardy.
Qazaqstandyq tennısshi fınalda álemniń 30-raketkasy, kanadalyq Leıla Fernandespen bas júldeni sarapqa saldy.
Qarsylastar osyǵan deıin ózara bes ret kezdesip, sonyń úsheýinde Rybakına basym túsken edi.
Bul joly birinshi sette Elena breık jasap, 4:2 esebimen alǵa shyqty. Sodan keıin taǵy bir breıkke qol jetkizip, óz geımin aldy — 6:2.
Ekinshi partııany da Elena breıkpen bastady — 3:1. Aqyry matchty jeńispen túıindedi — 6:2.
Bir saǵat mınýtqa 15 mınýtqa sozylǵan básekede Rybakına 3 eıspen birge 5 breık-poınttyń tórteýin óz esebine jazdy. Fernandes 2 eıs jasaǵanymen, 4 breık-poıntty paıdalana almady.
Qazaqstandyq tennısshi match boıy óziniń úzdik ónerin kórsete bildi.
Osylaısha, Elena Rybakına Nınbo týrnıriniń eki dúrkin chempıony atandy.
Qazaqstandyq sportshy Nınboda byltyr da top jarǵan edi.
Rybakına aldaǵy aptada Tokıo WTA 500 dodasynda baq synaıdy. Onda ol byltyr jartylaı fınalǵa deıin jetken edi. Bıyl sondaǵy reıtıngilik upaıyn qorǵaýǵa tıis.
Eske sala keteıik, budan buryn Qytaıdaǵy Nınbo týrnırinde Elena Rybakınanyń ekinshi jyl qatarynan fınalǵa shyqqanyn jazǵan edik.
Al ıÝlııa Pýtıntseva Tokıoda negizgi týrnırge joldama aldy.
