Elena Rybakına Qytaıdaǵy týrnırde Olımpıada chempıonyn jeńdi

ASTANA. KAZINFORM — Qazaqstannyń birinshi, álemniń 5-raketkasy Elena Rybakına Qytaıdyń Shenchjen qalasynda World Tennis Continental Cup kórme týrnırinde ekinshi kezdesýin ótkizdi.

Keshe qazaqstandyq tennısshi álemniń 2-raketkasy, Polsha ókili Iga Shventekke 3:6, 3:6 esebimen jol bergen edi.

Búgin Rybakına álemniń 11-raketkasy, shveıtsarııalyq Belında Benchıchpen sheberlik baıqasty. 
2021 jyly Tokıo Olımpıadasynyń jartylaı fınalynda Elena dál osy Benchıchten jeńilip qalǵan edi. Tokıoda shveıtsarııalyq tennısshi chempıon bolsa, Rybakına qola júlde úshin básekede ýkraınalyq Elına Svıtolınadan jeńilip qalǵan bolatyn. Bul joly qazaqstandyq sportshy 6:3, 6:4 esebimen basymdylyq tanytty.

Endi Elena Rybakına reseılik Andreı Rýblevpen birge monakolyq Valenten Vashero – I.Shventekpen kortqa shyǵady.

Eske sala keteıik, budan buryn Asyljan Arystanbekovanyń Túrkııadaǵy jarystyń jartylaı fınalynda oınaıtynyn jazǵan edik. 

Keshe bir kúnde úsh oıyn ótkizgen Asyljan Arystanbekova Antalııa (Túrkııa) ITF W15 týrnıriniń jartylaı fınalynda rýmynııalyq Sara Vıktorııa Balanǵa jol berdi – 7:6 (7:3), 2:6, 2:6. 

Sodan keıin otandasy Іńkár Dúısebaımen birge juptyq synda jartylaı fınalda marokkolyq Dıae El-Jardı – rýmynııalyq Marııa Sara Popaǵa ese jiberdi – 3:6, 6:7 (4:7).