Elena Rybakına Qytaıdaǵy týrnırde chempıondyq ataǵyn qorǵaı ala ma
ASTANA. KAZINFORM — 19-25 qazan aralyǵynda ótetin Nınbo (Qytaı) WTA 500 týrnırinde qazaqstandyq tennısshilerdiń qarsylastary belgili boldy.
Álemdik reıtıngide kósh bastap turǵan Elena Rybakına Nınboda birinshi raketka bolyp tirkelgen.
Jarysty ekinshi aınalymnan bastaıtyn qazaqstandyq tennısshi álemniń 42-raketkasy, ıspanııalyq Krıstına Býksha nemese reıtıngide 102-oryndaǵy ózbekstandyq Polına Kýdermetovanyń qaı jeńgenimen kezdesedi.
Taǵy bir qazaqstandyq, irikteý saıystarynan sátti ótken, reıtıngide 79-oryndaǵy ıÝlııa Pýtıntseva alǵashqy aınalymda álemniń 13-raketkasy, reseılik Dıana Shnaıderge tap boldy.
ıÝ.Pýtıntseva osynyń aldynda Ýhan (Qytaı) WTA 1000 týrnıriniń ekinshi aınalymynda dál osy D. Shnaıderge 2:6, 2:6 esebimen jol bergen edi.
Keshe Nınboǵa kelip, jattyǵýyn jasap úlgergen E.Rybakınaǵa ótken jylǵy chempıondyq ataǵy men 500 reıtıngilik upaıyn qorǵaýǵa týra keledi. Munyń aldynda jaraqatyna baılanysty Ýhan dodasynan tys qalǵan qazaqstandyq tennısshiniń qanshalyqty daıyn ekendigin aldaǵy oıyndar kórsetedi.
Nınbo týrnırine E.Rybakınanyń álemniń 2-raketkasy, Belarýs ókili Arına Sobolenko bastaǵan basty qarsylastary qatyspaıdy.
Álemdik reıtıngide 9-oryndaǵy polıak qyzy Iga Shventek munda 2-raketka bolyp tirkelgen. I.Shventek jyldyń qorytyndy týrnırine joldama alý úshin baryn salýy tıis. Ýhanda Iga jartylaı fınalda álemniń 22-raketkasy, otandasy Maııa Hvalınskadan 5:7, 1:6 esebimen jeńilip, maqsatyna jete almady.
M.Hvalınska búgin fınalda reıtıngide 170-satydaǵy ulybrıtanııalyq Sonaı Kartaldy 2:6, 6:4, 6:2 esebimen tize búktirip, chempıon atandy.
Eske sala keteıik, budan buryn ıÝlııa Pýtıntsevanyń Qytaıdaǵy týrnırdiń irikteý saıysyn jeńispen túıindegenin jazǵan edik.
